CAGAYAN DE ORO CITY-Hugot nga gipatuman sa kapolisan ang 10:00 pm nga curfew ubos sa area of responsibility niini sa Gitagum, Misamis Oriental.
Kini human gimando ni Gitagum Mayor Emmanuel Mugot ang crackdown sa mga internet shops ug mga loiterers tungod sa kasong pagpang-rape ug pagpatay sa 5-anyos nga bata.
Si Gitagum Police Station commander Sr/Insp Ron Baba miingon nga naalarma ang lokal nga kagamhanan sa nahitabong krimen hinungdan nga nagpatuman sila’g curfew aron dili na subli mahitabo pa ang pagpanglugos ug pagpatay.
