CAGAYAN DE ORO CITY- Patay ang sundalo nga gipusil sa giingong sakop sa Special Partisan Unit o SPARU sa rebeldeng New People’s Army Purok 2, Brgy. Libertad, Quezon, Bukidnon.
Giila ni PO2 Erb Diaz sa Quezon Police Station ang biktima nga si Army Cpl. Rito Ogdoc gikan sa 88th Infantry Battalion, Philippine Army nga nakabase sa lugar.
Nagkaon ang biktima’g panihapon sa merkado samtang nangihi ang laing kauban niining sundalo dihang kalit miduol ang gitoohang sakop sa NPA uig gilayong pusil sa ulo gamit ang kalibre 45 nga armas.
Nadala pa sa ospital ang biktima apan paglabay sa pipila ka minutos nakabsan ra gihapon kini sa kinabuhi.
