CAGAYAN DE ORO CITY-Wala pa gihapo’y giya ang mga otoridad sa armadong lalaki nga mipatay sa municipal councilor ug miangol sa laing laing tulo ka kauban niini sa Lanao del Sur.
Giila ang biktima nga si Kapatagan Municipal Councilor Nassif Palawan Bansil,31 anyos samtang kritikal usab si Alvin Abdullah Sampiano,35 anyos ug laing wala mailang mga kauban niini.
Kuyog sa duruha ang laing duha pa ka unidentified nga mga biktima sa dihang giparakrakan kini sa mga wala pa ilhing armadong suspek sulod sa compound nga gipanag-iyahan ni kanhi Balabagan Mayor Hadji Amer Sampiano.
Gitutukan ang anggulo sa rido sa tali sa mga biktima ug wala mailang mga suspek sa maong lugar.
