CAGAYAN DE ORO CITY-Positibo si Cagayan de Oro Archbishop Antonio Ledesma nga makab-ot ni Pres Rodrigo Duterte ang tinguha niini nga magbaton sa lahutay nga kalinaw ang katawhan sa nasud.
Kini tungod sa paningkamot niini nga makig-estorya sa grupo sa MILF,MNLF ug bisan sa CPP-NPA-NDF.
Miingon si Ledesma nga gamay na lamang ang kinahanglang buhaton sa tulo ka panig ug makab-ot na ang tinguhang kahusay ug kalinaw sa nasud.
Kini ang hinungdan nga suportado nila nga mga obispo ug ubang religious leaders nga ipadayon ang pagtuki sa Bangsamoro Basic Law o BBL ug 5th round peacetalks sa grupong CPP-NPA-NDF.
