CAGAYAN DE ORO CITY-Gikompirmar sa laing higayon sa militar nga milapad ang recruitment sa nabiling Maute-ISIS sa mga mahimo nilang bag-ong miembro partikular sa mga state college ug universities sa tibuok nasud.
Partikular nga gitumbok ni Col Romeo Brawner Jr,deputy commander sa Joint Task Force Ranao nga natigayon ang recruitment sa dagkong mga unibersidad mismo dinhi sa syudad.
Giangkon ni Brawner nga daghan pa’g salapi ang grupo ni Maute-ISIS commander Owayda Benito Marohomsar alyas Abu Dar hinungdan miabot ang ilang recruitment bisan hangtod sa Luzon.
Dugang ni Brawner nga dili kaayo dayag ang recruitment sa mga terorista hinungdan angay mag-alerto ang publiko batok niini.
