CAGAYAN DE ORO CITY-Hustisya ang demanda sa mga igsoon ni Danao Brgy Kap Alfredo Zapanta sa Jasaan,Misamis Oriental.
Gibutyag ni Brgy 13 Kagawad Efresco Zapanta,half-brother sa biktima nga may duha ka person of interest nga imbitaron ang kapolisan nga posibleng makatabang sa imbestigasyon sa kamatayon sa iyang igsoon.
Hinoon, gitin-aw ni Zapanta nga dili pa mabutyag sa mga otoridad kinsa kining duha ka personahe aron dili mabalda ang ilang imbestigasyon sa kaso.
Una niini, mismo si Zapanta ang namugos nga pagkasina sa posisyon ang usa sa lig-ong hinungdan kon nganong gipusil-patay ang biktima.
Samtang gikasubo sa Department of Interior of Local Government o DILG-10 ang pagpatay kang Danao Brgy Chairman Alfredo Zapanta sa Jasaan Misamis Oriental.
Giseguro ni DILG 10 asst regional director for operations Edward Bhagwani nga matunol sa pamilya ni Zapanta ang benepisyo isip mamumuo sa gobyerno.
Gipanawagan usab ni Bhagwani ang katawhan nga mu-abag sa imbestigasyon sa kapolisan ilabina kadtong saksi sa kamatayon ni Zapanta aron makab-ot sa pamilya sa biktima ang hustisya.
