Si Novie Salong human  mi-surender sa PNP negotiators

 

CAGAYAN DE ORO CITY-Mag-atubang sa daghang kasong kriminal ang usa ka lalaki nga mi-hostage sa 10 anyos nga menor de edad sulod sa convenience store sa Kauswagan highway ning syudad kagabii.

Giila ni City Police Director Sr/Superitendent Nelson Aganon ang suspek nga si Novie Salong,hingkod ang panuigon,ulitawo ug lumad taga- Camiguin.

Gibutyag ni Aganon nga subay sa pamilya,giingong tiggamitan sa gidiling droga ang suspek hinungdan nahimo niini ang pag-hostage sa biktima.

Kalit misulod sa seven eleven convenience store ang suspek kay gigukod daw sa police hinungdang gi-hostage ang biktima nga nakit-an niini sa lugar.

Unang giilog ni Salong nga temporaryong nagsaka sa Brgy Consolacion ang armas sa sekyu ug gigamit nga hinagiban aron dili makaduol ang mga pulis.

Mitahan lamang ang suspek pag-abot sa igsoong babaye niini ug gipasaligan nga dili unsaon bisan sa gihimo niining kremin.