CAGAYAN DE ORO CITY-Wala mahinayon ang senate public hearing nga panguluhan ni Senador Grace Poe kalabot na sa epekto sa Tax Reform for Acceleration and Inclusion o TRAIN Law ning syudad.
Kini tungod sa dautang panahon nga nasinatian sa kauluhan ug gidid-an nga makabiyahe ang abyon.
Apan nagpasalig si Poe kinsa chairman sa senate committee on public services nga ipadayon sa Agosto ang pagdungog aron mahibal-an ang tinood nga epekto niini sa serbisyo sa publiko ilabina sa produktong petrolyo, kuryente ug problema sa balayronon sa tubig.
Giangkon ni Poe nga maayo ang tumong sa gobyerno sa pagpasar sa TRAIN law tungod kay daghang mga infrastructure projects ang matukod.
Apan, gibutyag niini nga kinahanglan usab nga masayran ang epekto niini sa mga katawhan ilabina nga mitaas ang presyo sa mga batakang palaliton butang nga nakapasamot sa kapobrehon.
Kinahanglang mangita’g pamaagi ang gobyerno nga maayudahan ang epekto sa TRAIN law.
