CAGAYAN DE ORO CITY-Nasikop sa kapolisan ang babayeng Maranao-Muslim sa buy bust operation kilid sa opisina sa Philippine Red Cross o PRC sa capitol ground sa syudad kaganihang buntag.
Giila ni SPO2 Luisto Ugat sa Agora Police Station ang suspek nga si Zaida Marapong, 47 anyos nga nagpuyo sa Iligan City.
Napalitan sa suspected sachet sa shabu ang suspek balor sa usa ka libo ka pesos.
Nakuha usab gikan sa posisyon sa suspek ang 25 gramos nga gitoohang shabu nga dunay bana-banang balor 175-mil pesos.
Giangkon ni Ugat nga tulo ka bulan na nila gisunod-sunod ang suspek ayha nasikop kaganihang buntag.
