CAGAYAN DE ORO CITY-Wala na’y mahitabong pagpanumbong sa isig ka paryente sa mag-live in partner nga nag-dinunggabay sa Upper Bolonsori, Brgy Camaman-an ning syudad.
Kini human pulos na nakabsan sa kinabuhi ang mag-live in partner nga sila si Evo Perocho, 60 anyos ug Wilma Cervantes, 50 anyos nga pulos nagpuyo sa maong lugar.
Miingon si SPO2 Marlon Bolanio sa Cogon Police Station nga mibati’g pagselos si Perocho sa pagbato’g laing lalaki ni Cervantes hinungdan nga nagresulta sa panaglalis samtang sila nag-inom sa maong lugar sa miaging semana.
Apan nagdinunggabay ang duruha diin unang namatay si Perocho sa Northern Mindanao Medical Center samtang sa Capitol University Medical Center si Cervantes.
