CAGAYAN DE ORO CITY-Mamiligro lamang ang kinabuhi sa mga bakwit kon pugson nila nga mobalik na sa ilang pinuy-anan sulod sa most affected area sa Marawi City.
Kini human unang nagpatabang ang mga bakwit kang Vice Pres Leni Robredo kabahin sa ilang kahimtang sa temporary shelters sukad natigayon ang giyera sa maong syudad.
Miingon si Joint Task Force Ranao deputy commander Col Romeo Brawner nga 51 ka bomba pa nga wala makabuto ang padayong gipangita aron mahaw-as sa ground zero.
Dugang ni Brawner nga peligro usab malumpag ang mga balay nga kanhi nangaigo sa mga bala ug bomba hinungdan dili luwas puy-an sa mga bakwit.
