PC:Supt Kitt Sereñas
CAGAYAN DE ORO CITY-Gihinagbo sa Office of the Presidential Adviser on the Peace Process o OPPAP kuyog ang top officials sa PNP ug AFP ang liderato sa Police Regional Office-10 sa Camp Alagar ning syudad.
Kini aron ipasabot ang mahimong papel sa AFP ug PNP ilabina kon sugdan na pagpatuman ang balaod sa Bangsamoro Basic Law o BBL sa pipila ka bahin sa Mindanao.
Gibutyag ni Maria Sche Ruvivar, secretariat sa government implementing panel sa GPH-Moro Islamic Liberation Front peace accord sa OPPAP nga angay masayod ang govt forces sa unod sa Bangsamoro Autonomous Region in Muslim Mindanao o BARMM
.Gilayong mo-deritso ang grupo sa SOCSARGEN Region aron mohimo’g information ug educational campaign sa BARMM sunod semana.
Samtang giklaro ni PNP regional spokesperson Supt Surki Serenias nga pabiling dunay gahom ang govt forces sulod sa proposed Bangsamoro Autonomous Region in Muslim Mindanao o BARMM.
Kini sukwahi sa mga mikatag nga taho nga mawad-a’g katungod ang PNP ug AFP nga manginlabot sa security operations sulod sa Bangsamoro govt.
Miingon si Serenias nga kini ang rason nga gibisita sila sa OPPAP ingon man top officials sa PNP ug AFP sa Camp Alagar aron ipasabot nga pabiling dunay kontrol ang estado sa gipalig-ong gobierno sulod sa Bangsamoro region.
