CAGAYAN DE ORO CITY-Nagpahimangno ang City Health Office (CHO) sa publiko nga kinahanglang magbantay sila sa sakit nga Leptospirosis sa panahon nga maghumol sila sa tubig-baha.
Si Dr Maybelle Honcada miingon nga libre sa matag Barangay Clinic ang tambal batok Leptospirosis alang sa mga nagpangidad og 12-anyos pataas.
Samtang, gibutyag usab niini nga paimnon sa tambal nga Amoxicillin ang mga bata nga nagpangidad 12-anyos paubos kun ugaling makahumol sila sa tubig-baha panahon sa ting-ulan.
Hisayran nga ang leptospirosis makuha sa ihi ug hugaw sa ilaga.
