CAGAYAN DE ORO CITY-Napili ang Misamis Oriental nga magsilbing host sa 2018 ATOP National Convention karong bulan sa Oktubre.
Gibanabanang moabot sa 1,000 hangtud 1,500 ka mga delegado nga naggikan sa bisang asang nasud ang mobosita sa Misamis Oriental tungod sa maong kalihukan.
Matud ni Atty Jeffrey Saclot sa Provincial Tourism Office nga ila nang gisugdan ang preparasyon sa maong kalihukan.
Gani, nagtukod na si Gov Bambi Emano og komitiba aron motabang sa pag-organisar sa maong kalihukan.
Gipaseguro usab ni Emano ang luwas nga seguridad sa mga bisita.
