CAGAYAN DE ORO CITY-Wala makaangay si City Mayor Oscar Moreno sa gihimong paghulip sa liderato ni House Speaker Pantaleon Alvarez mismo sa SONA ni Pres Rodrigo Duterte.
Miingon si Moreno nga mahimong maghulip sa liderato sa kongreso bisan unsa nga oras apan gilikayan lamang unta sa mga magbabalaod ang pagtudlo kang kanhi presidente ug karon Pampanga Cong Gloria Arroyo kay SONA kadto ni Duterte.
Giangkon ni Moreno nga mibati usab kini’g ka dismaya sa gihimong taras sa dul-ag 190 ka kongresista.Samtang kasupakan sa gabayan sa mga magbabalaod sa kamarabaha ang paghulip kang House Speaker Pantaleon Alvarez.
Miingon si CWGG convenor Atty Antonio Soriano kinsa kanhi usab bise-mayor sa syudad nga ilegal ang gihimo sa grupo ni House Speaker Gloria Arroyo ilabina nga naka-adjourn ang ilang sesyon tungod sa SONA ni Duterte.
Miingon si Soriano nga sama sa ubang katawhan,dismayado kini sa gipakitang kinaiya sa daghang kongresista kagahapong adlawa.
