CAGAYAN DE ORO CITY-Nakadayeg si City Mayor Oscar Moreno sa paghatag importansya ni Pres Rodrigo Duterte nga i-hingpit nang wad-on ang kontraktuwalisasyon sa mga empleyado sa gobierno ug pribado.
Kini human giuyunan ni Moreno ang kabahin sa unod sa state of the nation address ni Duterte nga angay magpasar sa balaod aron wad-on ang end of contract sa mga employer sa mga empleyado.
Una usab niini,nagustuhan ni Moreno ang baruganan ni Duterte sa kampanya batok kurapsyon,ilegal nga droga ug ilabina ang peace agenda sa Mindanao.
Samtang masaligon si Gov Bambi Emano nga mapadali ang paghatag aksyon sa liderato ni House Speaker Gloria Arroyo sa hangyo ni Duterte batok sa kontraktuwalisasyon sa mga empleyado.
Kini ilabina nga si Arroyo usa usab ka ekonomista nga lapad ang pagsabot sa kahimtang sa ekonomiya sa nasud.
Gihimo ni Emano ang pahayag agi’g pag-uyon usab ni Duterte nga maporma ang balaod naghatag kasiguruhan sa pangempleyo sa katawhang Pilipinhon sa nasud.
