CAGAYAN DE ORO CITY-Gipasiguro sa Autonomous Region in Muslim Mindanao sa molangkob sa parliamentary government sa Bangsamoro Autonomous Region in Muslim Mindanao nga sulbaron una ang security of tenure sa 6-mil ka regular employees nga maapektuhan sa Bangsamoro Organic Law.
Kini human gibungkag ang siyam ka buhatan samtang DepEd,DSWD ug DoH lamang ang gibilin sa Bangsamoro govt hinungdan mawad-an sa trabaho ang 6-mil ka empleyado.
Miingon si ARMM 1st District Assemblyman Zia Alonto Adiong nga unta sa dili pa ipahigayon ang plebesito sa mga lugar nga tuyo sakupon sa Bangsamoro govt,masulbad na ang isyu sa panarbaho sa maong mga empleyado.
Nasayran nga duha ka pilian sa maong mga empleyado kon sila mag-apply pagbalik o mo-retiro na lamang sa trabaho.
