CAGAYAN DE ORO CITY-Nagtoo ang PNP-10 nga walay kapas ang mga sakop ni resigned Ozamiz City Councilor Ricardo ‘Ardot’ Parojinog nga siya luwason gikan sa kustodiya sa gobierno.
Kini human unang nasikop si Parojinog samtang nagtagu-tago sa Taiwan ug ubos na sa kustodiya sa PNP sa kauluhan.
Miingon si PNP regional spokesperson Supt Surki Serenias nga nalimitahan ang grupo ni Parojinog tungod usab sa mando ni Pres Rodrigo Duterte nga ipabungkag sa hingpit ang Parojinog Drug Syndicate Group.
Si Ardot ang usa sa mga igsoon ni late City Mayor Reynaldo Parojinog Sr nga kabahin sa napatay sa anti-illegal drug operations sa Ozamiz City takdo usa ka tuig na karong adlawa.
