CAGAYAN DE ORO CITY-Nakompiskar sa Regional Mobile Force Batallion o RMFB-10 ang 32 ka galloons nga gisudla’g mga bugas,asukal,mongos ug asin nga gipanag-iya sa rebeldeng New People’s Army o NPA sa Sitio Dalungdong,Brgy Dominorog,Talakag,Bukidnon.
Kini human hilom nga gisaka sa grupo ni Sr/Insp Zian Paul Cubil,company commander sa 1004th Company sa Regional Mobile Force Batallion -10 ang lokasyon diin gipanglubong ang food supply sa maong lugar.
Miingon si Cubil nga milampos sila pag-rekober sa maong mga kabtangan subay sa impormasyon sa pipila ka residente sa maong lugar.
Gitakda usab nga ihatag sa PNP sa katawhan nga nagpuyo sa lugar paghuman nila mapaubos sa proseso ang maong food supply.
