CAGAYAN DE ORO CITY-Gilusad sa kapolisan ang manhunt operation batok sa duha ka suspek nga midunggab-patay sa negosyante nga nakabase sa Market City,Agora ning syudad.
Kini human unang gi-aparta sa biktima nga si Leo Villa Pania sa empleyado niini nga gikabikil sa mga suspek nga sila si Nickelson Villar 40 anyos, lumad nga taga Laguna City ug si Red Jay Cabuyaon, 28 anyos, ulitawo ug molopyo sa Gingoog City.
Miingon si SPO3 Romulo Lim,imbestigador sa Agora Police Station nga gipalihok na nila ang ilang intelligence operatives aron pagtumbok sa lugar nga gitaguan sa mga suspek.
Si Pania ang dead on arrival dihang nadunggaban ang liog gamit ang ‘rice tester’ hinungdan sa kamatayon niini sa miaging gabii.
