CAGAYAN DE ORO CITY-Gimando ni City Mayor Oscar Moreno sa local security forces nga isiguro ang paghatag sa seguridad sa tanang fiesta activities alayon sa pangilin ni Sr San Agustin sa syudad sa Agosto 28 ning tuiga.
Kini human daghang core ug parallel events sa kapistahan nga nagkinahanglan sa hugot nga pagbantay sa mga otoridad.
Miingon si Moreno nga gimanduan usab niini ang city fiesta organizers nga kanunay ang koordinasyon sa mga otoridad ilabina nga nag-atubang sa bahad sa terorismo ang dakbayan.
Kabahin usab sa parallel events nga masaksihang libre sa katawhan sa kapistahan ang Bombo Bancarera diin 40 ka partisipante ang pagtigi sa kampeonato sa Jesper Beach Resort sa Brgy Bonbon sa syudad sa Agosto 28 ning tuiga.
