CAGAYAN DE ORO CITY-Nagka-engkuwentro ang special forces sa militar ang mi-ambush nga blocking force sa rebeldeng New People’s Army sa Brgy Dominorog,Talakag,Bukidnon.
Kini human mohimo unta’g re-enforcement ang militar sa ilang mga kauban nga unang dunay gika-engkuwentro nga mga rebelde sa bukirang bahin sa lungsod sa Pangantucan.
Miingon si PNP regional spokesperson Supt Surkie Serenias nga dili pa matino kon dunay napatay ang militar nga mga rebelde kay katag-katag ang engkuwentro kagahapong adlawa.
Una nang nabawi sa tropa sa PNP’s Regional Mobile Force Batallion o RMFB-10 ang 32 ka galloon diin gisulod ang mga bugas,monggos,asukal ug asin sa lungsod sa Talakag sa miaging kadlawon sa Domingo.
