CAGAYAN DE ORO CITY-Giduso sa League of City Councilors of the Philippines ang resolution diin naghangyo sa Kongreso nga tugutan sila maka-imposar sa contempt sanction sa mga tawo nga ubos sa imbestigasyon tungod sa dagkong kontrobersya o iskandalo nga lambigit ang interes sa publiko.
Kini human giangkon ni Kag George Goking, chairman sa trade and commerce sa konseho nga dili nila mapugos ang resource person patug-anon sa impormasyon nga magamit sa imbestigasyon.
Gihimo ni Goking ang pahayag nunot sa subling pagdungog sa komitiba sa kontrobersyal nga plutous coins nga gitanyag sa Freeman Traders Club sa konseho ugmang adlawa.
Gilauman nga motunga na ang founder sa grupo nga si Mark Freeman sa konseho ugmang adlawa.
