CAGAYAN DE ORO CITY-Kasuhan sa kapolisan sa illegal possession of firearms ug frustrated murder ang suspek nga namusil sa iyang silingan sa Zone-1 Brgy SugbongCogon, Tagoloan Misamis Oriental.
Gibutyag ni Tagoloan Police Station commander Sr/Insp Alan Unyana nga giila ang suspek nga si Erby Paculba Fernandez, 47 anyos ug residente sa maong lugar.
Una niini, milusad sa hot pursuit operation ang kapolisan human paspas miikyas ang suspek sa krimen. Narekober sa iyang posisyon ang kalibre 45 nga armas nga loaded sa mga bala.
Narekober sa crime scene ang empty shells sa armas nga gigamit pagluthang sa biktima.Una niini, nagbikil ang duruha samtang lango na sa makahubog nga ilimnon.
Naka-angkon ang biktima sa igo pinusilan sa ubos nga bahin sa iyang tiyan ug ubos sa iyang paa.
