CAGAYAN DE ORO CITY-Napili isip usa sa napulo ka most outstanding govt official si Sr/Insp Dennis Ebsolo nga kanhi station commander sa Lumbia Police Station ubos sa Cagayan de Oro City Police Office o COCPO.
Kini human gilusad ang tinuig nga search sa Metrobank Ten Outstanding Employees diin kabahin si Ebsolo sa tulo ka pulis sa tibuok nasud nga napili niini.
Miingon si Ebsolo nga dugang kadasig sa pagserbisyo ang gibati niini tungod sa pag-ila sa iyang adbokasiya nga ubos sa pagsuporta sa COCPO kaniadto ug PNP-10.
Si Ebsolo nga naka-destino isip station commander sa Villanueva Police Station ang nakadawat usab sa premyo nga usa ka milyon ka pesos gikan sa maong bangko.
