CAGAYAN DE ORO CITY-Giakusahan karon sa CPP-NPA nga gipatay sa mga sundalo ang sibilyan ug laing duha ang samaron sa engkuwentro sa lungsod sa Impasug-ong, Bukidnon.
Kini human migamit sa duha ka jet figthers ug dagkong kalibre sa armas ang militar hinungdan napagan si Herminio Landong.
Gibutyag ni Ka Malim Mabini, tigpamaba sa CPP-NPA sa North Central Mindanao Region nga samaron usab sila si Rehem Landong ug Langgi Malinay epekto sa giyera.
Gikulata usab ang usa ka Allan Sante kuyog sa iyang mga anak nga gikan sa uma sa maong lugar.
Namugos si Mabini nga pagmatood lamang kini nga bakak ang gisulti sa 403rd IB nga kontrolado na sa gobierno ang kagubot sa maong lungsod.
Samtang giyam-iran lamang sa militar ug PNP-10 ang gipasiatab sa CPP-NPA nga kagubot.
Miingon si PNP regional spokesperson Supt Surki Serenias nga desperado lamang ang mga NPA ilabina nga daghan na sa ilang mga sakop ang mitahan-balik sa gobierno.
