CAGAYAN DE ORO CITY-Gikompirmar sa Philippine Drug Enforcement Agency o PDEA-Iligan City Team nga dugay na nila nga gimonitor ang ilegal nga kalihukan sa dinakpang suspek nga si Eric Badelles, hingkod ang panuigon, minyo ug nagpuyo sa Brgy Pala-o, Iligan City.
Si PDEA -Iligan City Team agent Wax miingon nga gawas-sulod na sa bilangguan ang suspek tungod sa ilegal nga droga.
Gitin-aw ni agent Wax nga walay pagsupak si kanhi Iligan City Lone District Rep. Alipio Badelles sa pag-aresto sa anak niini.
Kini tungod kay nasayod na ang amahan sa target suspek sa kalambigitan niini sa ilegal nga droga.
Una niini, moabot sa 45-mil hangtud P50-mil nga kantidad sa shabu ang nakuha sa posisyon sa suspetsado.
Hisayran nga anaa sa listahan isip “target drug personality” ang anak sa kanhi kongresista nga nadakpan sa operasyon.
