CAGAYAN DE ORO CITY-Giakusahan ni kanhi City Mayor Vicente ‘Dongkoy’ Emano nga si incumbent City Mayor Oscar Moreno ang utok pagkaso’g kurapsyon batok kaniya sa Ombudsman.
Kini human nagtoo si Emano nga gigamit ni Moreno si kanhi CSWD employee Rico Molina nga siya kasuhan tungod sa paglugwa sa dul-ag 10 milyon pesos nga pondo sa syudad.
Miingon si Emano nga nahadlok lamang si Moreno nga subli siya nga modagan pagka-mayor sa 2019 midterm elections hinungdan gikasuhan.
Samtang angayang manubag kon ugaling tinood nga dunay anomaliya sa paglugwa sa dul-ag 10 milyon pesos nga pondo sa panudlanan sa syudad.
Kini ang tubag ni City Mayor Oscar Moreno kabahin sa pasangil ni Emano batok kaniya.
Miingon si Moreno nga maayo lamang manaway ang grupo ni Emano kon siya ang mag-atubang sa kaso sa Ombudsman ug Sandiganbayan.
Si Rico Molina mikaso’g kurapsyon kang Emano tungod sa kuwestiyonabli nga release sa minilyong salapi sa dili klaro nga mga livelihood program beneficiaries.
