CAGAYAN DE ORO CITY-Positibo ang Cagayan de Oro Police Office nga paboran sa National Telecommunications
Company ang ilang hangyo nga putlon ang signal sa mga celphone sa matag major activities nga himoon sa syudad atol sa Higalaay Festival sa syudad.
Apan gitin-aw ni COCPO spokesperson Supt Mardi Hortillosa nga walay bahad sa terorismo ang dakbayan hinungdan nga dili angayang maalarma ang publiko.
Gihimo kini nila aron mapahugtan pa ang seguridad sa syudad alayon na sa kapistahan ni Sr San Agustin.
Samtang posibleng tugtan sa kapolisan ang paggamit sa drone sa pagkuha’g mga hulagway sa mga activities nga himoon sa syudad atol sa Higalaay Festival.
Matud ni Hortillosa nga ila kining gihimo aron mahataga’g tsansa ang mga photographer nga mapromotar ang kanindot sa mga kalihukan sa syudad.
Apan, nanawagan kini sa mga moggamit sa drone nga makigkoordinar sa ilang ahensiya tungod kay adunay sila pirmahan nga waiver tali sa kapulisan.
