CAGAYAN DE ORO CITY – Nailhan na sa militar ang upat ka miembro sa rebeldeng New Peoples Army nga miunay pagpatay sa ilang kauban diha sa Banglay, Lagonglong, Misamis Oriental.
Giila ni 58th IB commanding military officer Major Leoden Bajado ang biktima nga si Rodrigo Hilogon alias Esto, 34-anyos ug residente sa maong dapit.
Si Bajado miingon nga sila si Benigno Lindaan alyas Sacar; Edon Cablas Romania alyas Uno; Aces Cablas Romania alyas Butchoy maoy miggapos sa biktima samtang si Edgardo Hilogon alyas Diyong maoy midunggab-patay sa biktima ug gipanitan pa ang lapa-lapa niini.
Asoy ni Bajado nga ilang gipatay ang biktima human nakahukom kini nga mobalik sa sabakan sa gobyerno.
Ila nang giandam ang kaso nga ipasaka batok sa mga suspetsado.
