CAGAYAN DE ORO CITY – Emosyonal si retired 4ID,Philippine Army commanding general Major General Michelle Anayron Jr pagdawat sa iyang personal flag dihang gihimo ang retirement ceremony sa Kampo Edilberto Evangelista,Barangay Patag sa syudad.
Kini human nasud-ong ni Anayron ang iyang kapikas ug tulo ka anak nga dugay’ng panahon nga dili niya kanunay ikauban gumikan sa mga tahas nga nasangon kaniya isip opisyal-militar sa nasud.
Siya miingon nga nalukmay ang iyang pagbati kay mismo kini ang midawat sa retirement flag ug dili ang mahal niya sa kinabuhi ilabina ang kapikas niini.
Kini ang rason isip sundalo nga nag-serbisyo-publiko sulod sa sobra 38 ka tuig,gihalad niya ang iyang mga nakab-ot nga mga kalampusan ngadto sa pamilya niini.
Gibalik lantaw ni Anayron ang mga higayon nga nagsilbing inahan-amahan ang mahal nga kapikas pag-atiman sa ilang mga anak kay na destino kini sa lagyo nga destinasyon sa trabaho.
Kini ang hinungdan nga sa wala pa hingpit nabalik sa pagka-sibilyan ang heneral, gisaluduhan niini ang iyang asawa ug tulo ka anak.
Wala usab kalimti’g pasalamat ni Anayron ang kanhi army generals nga nagdasig kaniya nga mosunod sa pagka-sundalo ingon man ang daghang kinabuhi sa ilang mga kauban nga nahalad sa mga engkuwentro batok sa mga rebeldeng New People’s Army aron lang magbaton sa kahusay’g kalinaw ang Northern Mindanao ug Caraga regions.
Dumduman nga sa bag-o pa nga sundalo si Anayron nga sakop sa Philippine Military Academy ‘Tanglaw-Diwa’ Class of 1992, anaa sa sobra 5-mil ka NPA rebels hangtod nga nabungkag sa Philippine Army ug Philippine Air Force ang tanang committee guerillas nga naglihok sa duha ka Mindanao regions.
Mihulip sa Misamisnong heneral ang iyang ‘mistah’ sa PMA ‘Tanglaw-Diwa’ Class of 1992 si kanhi 403rd IB commander Brigadier General Seigfred Tubalado diin si Philippine Army commanding general Lt Gen Antonio Nafarrete ang nangulo sa seremonya sa 4th ID grandstand niadtong Abril 29 sa hapon.
Hisayrang misaksi ang government agency partners ingon man private sector,former 4ID commanders ug mga suod ni Anayron sa hingpit niya nga pag-retiro sa serbisyo sa maong adlaw.
