CAGAYAN DE ORO CITY – Wala wad-a sa Bureau of Fire Protection o BFP ang anggulo sa ‘arson’ o tinuyo ang pagkasunog sa bodega sa PLDT-Philcom diha sa Suniel-Lerio Streets,Brgy Carmen ning syudad.
Miingon si BFP-Carmen Station commander SFO3 Samson Velarde nga iwagtang lamang nila ang maong anggulo kon molugwa sa ilang imbestigasyon nga dili masuportahan sa mga ebendensiya ang maong hitabo.
Namahayag si Velarde nga itugyan na nila sa BFP-Manila ang pag-imbestigar ilabina nga anaa sa 111 milyon pesos ang inisyal nga damyos sa maong sunog.
Dumduman nga milungtad sa 18 oras ang hingpit pagpalong sa kalayo diin apektado ang 600 ka PLDT subscribers sa maong hitabo.
