CAGAYAN DE ORO CITY – Walay nahimong anomaliya ang pagsilbing regional vice president sa Northern Mindanao sa Philhealth ni Masiding Alonto Jr.
Depensa kini ni Philhealth-10 spokesperson Merlyn Ybanez nunot sa pagkabulgar sa pangalan ni Alonto nga kabahin sa mafia group nga gitumbok nagpaut-ot sa pondo sa ahensiya.
Miingon si Ybanez nga tinood nga 20 ka tuig na sa katungdanan si Alonto apan wala kini nagpasabot nga may kalambigitan kini sa kurapsyon.
Una niini,gibulgar ni dismissed Philhealth president Dr Roy Ferrer nga tungod sa mafia group naipit ang iyang reporma gipatuman.
Apan ning bag-o lamang,mismo si Pres Rodrigo Duterte ang mipapha kang Ferrer tungod sa pasangil nga kurapsyon.
Gawas kang Alonto,gidamay usab sa mafia group si Atty Jelbert Galicto, Dennis Adre,Khaliquzzaman Macabato ug William Chavez nga regional vice presidents sa Visayas ug Mindanao.
