CAGAYAN DE ORO CITY – Gigukod sa militar ang anaa sa 40 ka rebeldeng New People’s Army o NPA sa Barangay Busdi, Malaybalay City, Bukidnon.
Kini human may mga giingong samaron sa mga rebelde dihang nasudlan sa militar ang hideout niini sa maong lugar.
Gibutyag ni 8th IB,Philippine Army commander Lt Col Ronald Illana nga makita sa encounter site nga may mga lama sa dugo gikan sa mga rebelde.
Namugos si Illana nga walay bisan usa ka sundalo nga samaron o namatay sa ilang paglusob sa mga rebelde sa miaging adlaw.
Sa maong engkuwentro,nabawi usab gikan sa mga misibat nga mga rebelde ang M1 carbine, M1 garrand, M16 rifle, AK47, unexploded rifle grenades, lima ka magazines sa AK47, 2 backpacks ug mga subersibong dokumento.
