CAGAYAN DE ORO CITY – Papha sa katungdanan ingon man kasuhan ni Gov Bambi Emano si Misamis Oriental Provincial Jail Warden Dominador Tagarda.
Kini kon mapamatud-an sa imbestigasyon nga tinood ang pasangil sa PDEA-10 nga protector si Tagarda sa iyang duha ka anak nga nasikop sa pagbaligya’g ilegal nga droga ning syudad.
Gihimo sa gobernador ang panganti dihang nadakpan nila ni PDEA regional director Willkins Villanueva si Gregor,35 anyos ug Von Clienton Tagarda,30 anyos dihang gisilbi ang search warrants batok kanila sa Brgy Carmen kagahapon sa buntag.
Giaghat sa gobernador si Villanueva nga mo-presentar sa mga ebedensiya sa ilang pasangil batok Tagarda aron basehan nga kasuhan ug paphaon kini sa katungdanan kon mapamatud-ang may kasal-anan.
Si Tagarda ang dugay nang nahimong warden sa MOPJ.
