CAGAYAN DE ORO CITY – Pinal na nga ipasaka sa kapolisan ang tulo ka kaso batok sa pito ka kadete nga nakasupak sa anti-hazing law sulod sa Philippine Military Academy o PMA sa Baguio City sunod semana.
Kini ang gihimo nga kompirmasyon ni Baguio City Police Office Director Col. Allen Rae Co sa pakighinabi sa Bombo Radyo.
Miingon si Co nga maoy ilang ipasaka ang kasong pagsupak sa Republic Act No. 8049 o anti-hazing act, kasong murder ug ang Torture Law batok sa pito ka kadete ug laing duha ka doktor sa PMA.
Mapalasamaton usab si Co tungod kay kontento ang pamilya ni PMA Cadet 4th class Darwin Dormitorio sa resulta sa ilang imbestigasyon.
Kahinumduman nga maoy responsable sa pagmaltrato kang Darwin mao sila si Cadet 3rd Class Shalimar Imperial, Felix Lumbag, Cadet 1st Class Axl Rey Sanupao, Cadet 2nd Class Nikoel Termil, Cadet 1st Class Christian Correa ug Cadet 1st Class Elbert Lucas.
