CAGAYAN DE ORO CITY – Dawaton sa 52 anyos nga amahan nga taga Brgy Lumbia ang iyang galloner award sa Philippine Red Cross, karong bulan sa Nobyembre.
Namahayag si Mr. Julito Escalante nga igo ra unta siya maghatud sa iyang anak nga magduty sa Maria Reyna Hospital sayo sa buntag.
Apan nakadungog siya sa Bombo Radyo nga dunay blood Letting project sa Lim Ketkai Atrium, hinungdan nga iya kining gidalikyatan.
Si Mr. Escalante muabot na sa 24 ka higayon nga nagdonate sa dugo.
Mao kini ang iyang hinagiban kung nganong baskog kaayo ang iyang lawas isip kapabin sa maintenance department sa Nation Grid Corporation of the Philippines (NGCP).
