CAGAYAN DE ORO CITY – Mi-abiso ang Philippine Atmospheric Geophysical and Astronomical Services Administration kon PAG-ASA sa pagdala sa payong o mugamit sa kapote sa pagsimba unyang kadlawon o sa simbang gabi.
Nunot kini sa mga pag-ulan nga masinatian sa hapon ug gabie, ug mga pat-ak pat-ak nga pag-ulan sa kadlawon.
Namahayag si PAG-ASA El Salvador City Climatologist Joe Frivaldo nga duna silay gibantayan nga cloud formation nga musulod sa Philippine Area of Responsibility.
Kung mulambo kini nga dautang panahon ug mahimong usa ka bagyo, tawgon nila kinig “Bagyong Ursula”.
Diresksyon sa bagyo ang isla sa Mindanao.
