CAGAYAN DE ORO CITY – Taas pa ang proseso nga agi-an sa impeachment case nga gipasaka batok kang US President Donald Trump.
Kini ang gibutyag ni Atty Eddie Cuaresma, ang kanhi IBP CdeO-MisOr President, sa pakighinabi sa Bombo Radyo.
Namahayg si Atty Cuaresma nga dad-on sa US House ang ilang resolution o “articles of impeachment” sa US Senate aron dunggon ang iyang kaso ug mapugos nga mupatim-aw si Trump.
Una niini, si Trump ang ikatolo nga presidente nga gipa-impeached sa Kongreso sa Amerika.
Sila kanhi President Andrew Johnson ug Bill Clinton ang unang duha nga na-impeach sa kongresso apan sila gi-abswelto pag-abot sa impeachment hearing sa senado.
Sa boto nga 230 ka “yes” ug 197 ka “no”, isaka sa ilang kamarabaha ang hearing sa kaso sa senado.
Nagsumikad ang impeachement ni Trump sa isyu sa “obstruction of Congress” ug pag-abuso sa gahum human mi-entra kini’g kasabutan tali sa nasud sa Ukraine.
