CAGAYAN DE ORO CITY – Mitala na sa duha tawo nga nasikop sa indescriminate firing sa Northern Mindanao.
Kini subay sa report sa Philippine National Police sa Kampo Crame.
Sa impormasyon nga nadawat sa Bombo Radyo gikan kang Police Regional Office 10 Director Brigadier General Rolando Anduyan, iyang giila ang mga nadakpan nga sila Marcelino Arellano, 72 anyos, usa ka bulldozer operator ug residente sa Km-6 Base Camp, Maramag Bukidnon.
Hubog ang suspek samtang gipabuto sa supsek ang iyang 45 kalibre nga armas.
Nasikop usab sa Camiguin ang usa ka 46 anyos nga lalaki human kini nagpabuto sa iyang kalobre 45 nga armas subay sa reklamo iyang mga silingan.
Detenado na ang suspek nga si Owen Abcedes sa Mahinog Municipal Police Station.
Subli, miapelar si Anduyan sa publiko nga likayan ang pagpabuto sa armas ilabe sa pagsugat sa bag-ong tuig.
