CAGAYAN DE ORO CITY– E-rekomendar sa City Local Environment and Natural Office o CLENRO sa konseho ang pagsita sa vendors nga nagpasagad sa ilang mga basura ning syudad.
Gisugyot kini ni CLENRO head Engr. Armen Cuenca tungod sa nagkatag nga mga basura sa duha ka dagkong merkado ning syudad.
Partikular nga gilimpyuhan sa sakop ni Cuenca ang mga gibiyaang basura palibot sa Cogon ug sa Carmen Public Market, kagahapon sa buntag.
Hisayran nga gikulang gihapon ang gi-apud nga 1,970 ka sako sa basura sa CLENRO, besperas sa pagsugat sa bag-ong tuig tungod sa nagpunsisok nga mga basura sa duha ka merkado.
