CAGAYAN DE ORO CITY – Wala pay lead ang mga otoridad kung unsa ang motibo sa pagpusil patay sa usa ka fastfood crew sa Gemilina St., Brgy. Carmen ning syudad, kagabie.
Namahayag si City Police Director Pol. Col Henry Dampal, nga gidul-it sa mga suspek ang pagpatay sa biktima nga si Aljon Henalos, hingkod ang edad ug residente sa Brgy Lapasan.
Base sa nakasaksi, misakay sa taxi ang duha ka wala pa ilhing gunmen.
Milusad na sa makuting imbestigasyon ang Carmen Police Station sa hitabo.
