CAGAYAN DE ORO CITY (update) – Milusad sa internal cleansing ang Police Regional Office 10, sugod kagahapon sa buntag.
Kini ang gibutyag ni PRO-10 spokesperson Police Lt. Col Mardi Hortillosa sa interbyu sa Bombo Radyo.
Mukabat sa 50 ka mga personnel sa PRO-10 ang gisusi ang mga sakyanan kung kini dunay lisensya ug gipangayuan sa drivers license.
Unang mipasabot si Hortillosa nga seryoso sa kampanya batok police scalawag ang bag-ong PNP Chief General Archie Gamboa.
Kahinumduman nga daghang mga sibilyan ang nagreklamo nga dunay mga pulis nga magdrive nga walay lisensya ug duna sab pulis sa Marawi City nga nadakpan human walay mapakita sa sakyanan nga gibaligya sa iyang kauban pulis nga nakadestino sa Bukidnon sa miaging tuig.
