CAGAYAN DE ORO CITY – Nadugangan pa ang upat ka mga bug-at nga kaso nga gi-atubang ni detained ug kanhi konsehal sa Ozamis City nga si Ricardo “Ardot” Parojinog.
Bisan napriso na sulod sa PNP Costudial Center sa Kampo Crame, linawas nga gisilbi ni sa grupo ni Police Lt. Col. Sherwin Lapiz, hepe sa Ozamis City Police Station ang warrant of arrest sa laing kaso sa murder nga pirmado ni Presideng Judge EDMUNDO PINTAC, sa Regional Trial Court 10th Judicial Region, Branch 15 sa maong syudad.
Napasaka ang maong kaso Marso 7, 2018.
Kahinumduman nga unang nag-atubang sa duha ka ihap nga kasong murder si Ardot kuyog ang paglapas sa Dangerous Drugs Act of 2002 o RA 9165, illegal possession of firearms, ug illegal possession of explosives.
