CAGAYAN DE ORO CITY – Gi-aprobahan na sa konseho ang hangyo sa hugpong sa mga operator ug driver sa motorela nga mangayo’g usbaw sa pletehan balor sa 10 pesos ngadto sa ilang mga pasahero ning syudad.
Kini tungod sa minus na nila nga kinitaan gumikan sa pagkibhang usab sa ihap sa mga pasahero nga ipasakay sa mga motorela aron masunod ang social distancing.
Nakab-ot ang mayoriyang hukom sa usbaw dihang gidala ni Konsehal Teodulfo ‘Bong’ Lao Jr ang petisyon sa motorela operators ug drivers sa sesyon kagahapong adlawa.
Apan giklaro ni City Vice Mayor Rainer Joaquin ‘Kikang’ Uy nga dili pa mahimong mangulekta’g 10 pesos ang mga driver samtang wala pa mogawas ang pirmado nga ordinansa nga mismo si City Mayor Oscar Moreno niini.
