CAGAYAN DE ORO CITY – Kasuhan sa ug kapolisan ang 15 ka sakop sa gitoohang rebeldeng New People’s Army o NPA nga gitumbok pagsunog sa halos 9 milyon pesos nga balor sa construction equipment sa Ulticon Builders Incorporated o UBI sa Sitio San Roque,Barangay Mandahican,Cabanglasan,Bukidnon.
Kini human lusuba sa mga rebelde ang compound sa maong kompanya kay giingong wala makahatag sa gipangayo nga revolutionary tax.
Gibutyag ni 403rd IB,Philippine Army commander Brig Gen Ferdinand Barandon nga kasong pagsupak sa International Humanitarian Law ang ila usab ipasaka sa grupo ni Beverly Sinonta alyas Kumander Ayang sa Guerilla Front Committee Malayag sa Sub – Regional Command 2 sa CPP-NPA.
Una nang wala makalihok ang mga sekyu nga si Rey Dalina ng Dasia Security Agency ug Sacariaz Lastimado sa dihang gipangtiunan sa M-16,M-14 ug carbine nga bitbit sa tulo ka rebelde nga naka-uniporme’g sundalo sa UBI compound sa miaging gabii.
