CAGAYAN DE ORO CITY – Nagbuhis kinabuhi sa paghatag proteksyon sa hydro power plant si CAFGU Active Auxilliary Charles Jed Caponpon sa Brgy Plaridel,Claveria,Misamis Oriental.
Kini ang gikompirmar ni 58th IB,Philippine Army commander Lt Col Ricky Canatoy kabahin sa pagsulay paglusob sa 15 ka rebeldeng New People’s Army sa Mindanao Energy Systems, Incorporated power plant sa maong lugar kagabii.
Apan na-alerto ang tropa militar hinungdan gipaulana’g mga bala sa mga rebelde ang bisinidad sa planta hinungdan nga walay suwerte nga naigo si Caponpon.
Gibutyag ni Canatoy nga wala matarog ang ilang kaakuhan nga pagtuman sa Critical Infrastructure,Protection and Security Operations o CIPSO.
Nasubo ang tropa sa kamatayon sa ilang kauban samtang gikondenar ang hinimuan sa maong mga rebelde.
