CAGAYAN DE ORO CITY – Nadakpan si City Vice Mayor Kikang Uy ug City Councilor Roger Abaday sa pagsupak sa ‘no right turn on red signal’ sa traffic light sa syudad.
Nabulgar ang maong hitabo atol sa regular session sa city council kagahapong adlawa.
Gibutyag ni Kag. Romeo Calizo chairman sa komite sa police and public safety sa konseho supak siya nga wagtangon ang maong palisiya kay gihimo kini tungod sa maayong katuyuan.
Nunot niini,gitakdang ipatawag sa komitiba ang kadagkuan sa RTA sa konseho ning adlawa.
Samtang welcome sa Roads and Traffic Administration ang pagpatawag kanila sa konseho alang sa ‘no right turn on red signal’.
Gibutyag ni RTA deputy for administration Doy Ramiro nga motumbang sila sa maong imbitasyon aron paghatag sa katin-awan sa maong palisya.
Gipasabot usab ni Ramiro nga gikinahanglan na ang ipatuman ang ‘no right turn on red signal’ ilabina nga bug-at na ang trapik sa syudad tungod sa daghang sakyanan.
