CAGAYAN DE ORO CITY – Nakatigom lamang sa bana-banang 14-mil ka bag-ong voter registrants ang buhatan sa Commission on Elections-Cagayan de Oro sa tulo ka semana nga pagpang-rehistro niini dakbayan.
Kini isip preparasyon unta sa umaabot brgy ug SK elections sa Disyembre 5 ning tuiga.
Gibutyag ni City Election Officer Atty Ramil Acol nga tungod sa limitado lamang nga mga adlaw sa ilang pagpangdawat sa gustong magpa-rehistro,ubos nga porsiento ra ang ilang natala ning bulana.
Miingon si Acol nga daghan pa unta ang miapas pagpa-rehistro apan nahutdan na sila’g oras sa pag-atiman niini sa 2nd floor sa Robinsons Mall ning syudad.
Hisayrang sa tulo ka semana nga pagpang-rehistro,mitala usab sa 2.3 milyon ka bag-ong botante ang napuno aron makadugang sa kasamtangang anaa sa listahan sa ahensiya.
