CAGAYAN DE ORO CITY – Nakasuhan na sa pagsupak sa balaod sa Dangerous Drugs Act of 2002 ang duha ka suspected drug pushers nga taga-Lanao provinces ug nadakpan pinaagi sa buy bust operations diha sa Brgy Balulang ning syudad.
Giila ni Maj Jason Jake Sto.Domingo,deputy commander sa Regional Drug Enforcement Unit 10 ang target nga si Mael Edir nga taga-Marawi City ug ang kauban niini nga si Jasmine Maamo nga taba-Balo-i,Lanao del Norte.
Nabawi gikan sa mga suspek ang gitoohang shabu nga dunay balor sa halos 400-mil pesos.
Gisuta pa sa mga otoridad ang impormasyon nga may gihuptan ang maong mga suspek sa dakong drug dealer dinhi sa syudad.
